Euskararen erabilera sustatzeko eta kalean presentzia indartzeko helburuz, Berbodromoaren XV. edizioa ospatuko da maiatzaren 21ean Getxon. Irune Etxebarria Atxaren omenezko jardunaldiak goizez Itzubaltzeta/Romon eta arrastiz Algortan izango ditu saioak, herritarrak euskararen inguruan elkartzeko asmoz.

Berbots Erandioko euskara elkarteak urteko hitzordu garrantzitsuenetakoa antolatu du domekan, maiatzaren 10ean: Kanpomartxo. Asuko eskola zaharretan ospatuko den egun honek euskal kultura, musika eta elkarbizitza uztartuko ditu, egun osoko egitarau oparo bategaz.