Plentziako Jai Alaia frontoia Uribe Kostako euskaltzaleen topagunea izan zen atzo, martxoak 5, Mintzodromoa eta Jolasdromoa egitasmoari esker. Eskualdeko hainbat eragilek antolatutako ekimena arrakastatsua izan zela adierazi dute antolatzaileek; izan ere, parte-hartzaileen kopuruak zein giro bikainak ez zuten hutsik egin.   

Maddi Kanpo Leioako AEK Lamia euskaltegiko irakaslea da, baina bi urterik behin, klaseak albo batera utzi eta Korrikako furgonetara igotzen da. Bera euskararen aldeko ekimenaren antolaketa-prozesu guztiaren "piezatxo bat" besterik ez dela azpimarratu arren, Korrika odolean daramala esan daiteke, izan ere, Joseba Kanpo bere aita sortzaileetako bat izan zen, eta amarengandik ere jaso zuen antolatzeko inurri-lan hori.