Zapatuan, indaba usainak eta jai-giroak hartu zituen Txiki Otaegi plaza eta inguruak. Gainera, aurtengo Indabadak elkartasun kutsua ere izan du, Palestinaren aldeko askatasun mezua ozen aldarrikatu baitute bertaratutakoek. Nola antolatzen da Algortako gazteentzako hain berezia den egun hau, eta nola bizi dute beraiek?

Zapatuan, Algortan 26. Indabada ospatu zuten, espazio publikoak bereganatzeko eta herriko gazteak saretzeko helburua duen ekimena. Urtez urte, aldarrikapen bat izaten dute oinarri, eta, aurten, palestinar herriak pairatzen duen genozidioa izan dute hizpide.