Datorren domekan, abenduaren 29an, VII. Lasterketa solidarioa egingo dute Urdulizen, ohiko San Silvestrada delakoa. Izen emateak, 10:00etatik 10:45era izango dira, egunean bertan. Hala, gazteen lasterketa, goizeko 11:00etan izango da eta, nagusiena, 11:30etan. Ostean, 12:30ean, zumba saioa egingo dute Rosi Mendezegaz. Gainera, 13:00etan, zozketa egingo dute eta, 17:30ean, familia antzerkiaz gozatu ahalko dute herritarrek. Era berean, 18:30ean, txokolatada solidarioa egongo da.

Abenduaren 28an, Badia Night Surf iritsiko da, surf eta paddle gau magikoa Gorliz eta Plentziako hondartzetan igarotzeko aukera. Hala, neon argiz betetako surf eta paddle erakustaldi ikusgarriak, haurrentzako lehiaketak eta helduentzako erakustaldi mistoak egongo dira. Gainera, 300 euro emango dizkiote surflari onenari edo estiloz tuneatuenari! Eman izena, karteleko QR-an.