Kadete mailako estatuko egutegiko hitzordu garrantzitsuenetako bat izango da aste-akabu honetan Uribe Kostako errepideetan: XIII. Txuma lasterketa. Baque Elkar Kirolak taldeak antolatuta, eta Leioako, Berangoko eta Erandioko udalen laguntzagaz, 41 taldek parte hartuko dute hiru etapako proban; horren ondorioz, trafikoan mozketak puntualak egongo dira ibilbideak zeharkatuko dituen guneetan.

Leioa kultura arteko bizikidetzaren eta kirolaren topagune bihurtuko da berriro uda honetan, Leioako Mundialitoaren XXV. edizioagaz. Udalerriko egutegian erabat errotutako hitzorduak 25 urte beteko ditu aurten, futbolaren bidez komunitate ezberdinak elkartuz.