Armintzako frontoiak pilota-jaialdi berezia hartuko du bihar, irailaren 18an. Oraingoan, ordea, emaitza ez da izango garrantzitsuena; izan ere, bildutako dirua Erik Zubiri Armintza Pilota K.E.ko pilotariari laguntzeko erabiliko dute. Lesio baten ondorioz, Zubirik ezin izango du urrian Argentinan jokatuko den Munduko Pilota Txapelketan lehiatu, baina bere taldekideakaz batera Buenos Airesera bidaiatu ahal izatea gura dute klubak eta Euskadiko Euskal Pilota Federazioak.

Enara Bilbao Zarraga eta Irati Corrales Perez Goiherriko emakumeen sokatira taldeko kideak dira; Laukizen 500 kiloko mailako Euskal Herriko txapela irabazi ostean, munduko txapelketari begira daude.