Joan den domekan, Ortuellako kiroldegian ospatu zen saskibaloiko Bizkaiko 3x3 U17 txapelketa, zeinetan Rehabilitaciones Bilcover XXI Ugeraga Sopela garaile atera zen Fundacion Bilbao Basket Fundazioa 2 taldearen aurkako finalean. Sopelako taldeak azaldu duenez, Euskadiko txapelketarako pasea lortu zuten ere domekan.

Azaroaren 7an, zapatuan, II. Binakakoaren finalak jokatuko dituzte Trinitarios frontoian, 10:45etik aurrera. Lau final izango dira: 3. mailakoa, 2. mailakoa, emakumezkoena eta 1. mailakoa.