Kosta Trail lasterketak kirola, natura eta elkartasuna uztartuko ditu berriz ekainaren 21ean, Uribe Kostako itsaslabarretan. 20. edizio berezi honetan, lehen aldiz, inklusioaren alorreko bi erreferente elkartuko dira proban: Pol Makuri atleta paralinpikoa eta Maria Petit trail korrikalari eta mendizale itsua. Antolatzaileek nabarmendu dutenez, izen-emateetan izandako harrera onaren ostean, oraindino zabalik daude Mendiko Martxarako (20 kilometro) eta Martxa Familiarreko (7 kilometro) dortsalak.

Aste-akabuan, Getxo Saskiko nesken taldeak liga irabazi zuen eta Lehen Maila Nazionalera igo zen hamar urte geroago. Frank Herrerak, entrenatzaileak, taldearen atzean dagoen esfortzua eta ahalegina azpimarratu du.