Ekonomia 2017-10-16 18:22

Abian da Ekimen Ibiltaria, lan duina eta bizi duina izateko eskubidea aldarrikatuko duen herriz herriko dinamika

Erabiltzailearen aurpegia LAB

Abian da Ekimen Ibiltaria, lan duina eta bizi duina izateko eskubidea aldarrikatuko duen herriz herriko dinamika

Abian da LABek antolatutako Ekimen Ibiltaria. Iruñean egin dugun ekitaldiak hasiera eman dio, eta, behin abiatuta, Euskal Herri osoa zeharkatuko du abenduaren 6a bitartean. Sindikatuko idazkari nagusi Garbiñe Aranburuk hartu du hitza ekitaldian, eta lanaren eta bizitzaren prekarizazioari aurre egiteko proposamenak ditugula adierazi du: "Lan harremanen prekarizazioaren kontrako borrokan sakontzearekin batera, LABen eskaintzak eta praktika sindikalak une honetan soldatapeko lana duten langileen behar izanei erantzutea baino harago joan behar dute. Langilego osoaren errealitateari erreparatzen diogu. Guzti guztiak ditugu buruan".

  Ekonomia  Getxo 2017-10-11 11:15

Getxoko 30 enpresa eta 5 elkarte izango dira 2017ko sustapen ekonomikorako laguntzen onuradun

Getxoko 30 enpresa eta profesional edo merkatarien 5 elkartek jasoko dute 2017ko sustapen ekonomikorako laguntzak. Guztira, 188.949 euro bideratuko ditu Udalak deialdi horretarako. Horren helburua da udalerriko enpresen, haien taldeen, profesionalen elkarte eta federazioen eta administrazioen arteko lankidetza sustatzen laguntzea.

  Ekonomia  Getxo 2017-09-29 10:34

Kirolaren, ongizatearen eta turismoaren arloan dauden negozio-aukerak landuko dituzte Getxon

Kirolaren, ongizatearen eta turismoaren arloan dauden negozio-aukerak landuko dituzte Getxon

Taldeka Ekintzailetza Programa jarriko dute martxan Getxon, beste urte batez. Egitasmo hori turismoaren, kirolaren eta ongizatearen arloko industrien eta teknologien inguruan ekintzailetzan aritzeko interesa dutenei zuzenduta dago. Interesdunek urriaren 27ra arte izena eman ahalko dute.

 

  Ekonomia  Lemoiz 2017-09-27 12:57

Armintzako frontoia kudeatzeko pertsona bat kontratatu gura du Lemoizko Udalak

Armintzako frontoiko kudeaketarako kontratu berria egingo du Lemoizko Udalak, urtebetekoa. Gura duenak udal-bulegoetan zein kontratatzailearen profilean ditu eskuragarri kontratazio horren baldintzak. Eskariak aurkezteko epea urriaren 6ra arte egongo da zabalik, egun hori barne.

  Ekonomia  Erandio  Leioa 2017-09-20 11:22

Langile bat hil da Erandioko Cables y Alambres enpresan

Langile bat hil da Erandioko Cables y Alambres enpresan

Behargin bat hil da gaur goizean Altzagako Cables y Alambres Especiales SA enpresan, atzo izandako lan-istripu baten ondorioz. Ezbeharra atzo, martitzena, jazo zen, 20:00ak aldera: alanbrea txirrikatan biltzeko makina batek harrapatu zuen 41 urteko langile leioaztarra, eta zenbait zauri eragin zion buruan, LAB sindikatuaren iturriek albiste-agentziei adierazi dietenez. Horrezkero, behargina oso larri eroan zuten Gurutzetako ospitalera, Segurtasun Sailak zabaldu duenez. Bertan hil da.

  Ekonomia 2017-09-19 16:09

Telelibelo, ikerketa-kazetaritza izurritearen kontra

Erabiltzailearen aurpegia JaKietan Baserritik

Telelibelo, ikerketa-kazetaritza izurritearen kontra. Bertoko produktuen izurria gertatzen ari da Getxon eta Uribe Kostan, arriskuaren aurrean Telelibelo saioko kazetari ausartak ikerketa abiatuko du, errealitatea aztertzeko prest?

  Ekonomia  Urduliz 2017-08-10 09:09

Langileak prestatzeko eta kontratatzeko eskaintza zabalik du Urdulizko Udalak

Langileak prestatzeko eta kontratatzeko eskaintza zabalik du Urdulizko Udalak

Udalarentzat lan egingo duten beharginak trebatzeko eta kontratatzeko hautatze-prozesua abiatu dute Urdulizen. Lan-eskaintzan parte hartu gura duten urduliztarrek beharrezko paperak aurkez ditzakete, abuztuaren 31 baino lehenago.

  Ekonomia  Getxo 2017-08-01 13:49

Kaleratze bi salatu dituzte Areetako enpresa batean

Kaleratze bi salatu dituzte Areetako enpresa batean

CNT-LKN sindikatuak elkarretaratzea egin zuen pasa den eguenean, uztailaren 27an, Areetako La Oka delicatessen dendaren aurrean, Mesedetako Amaren kalean. Protesta horren bidez, sindikatuak eskatu zuen enpresak bertako dendatik kaleratutako bi langileak berronar ditzan.

  Ekonomia  Getxo 2017-07-21 18:14

Hutsik dauden etxebizitzen gaineko azterketa laster abiatuko du Getxoko Udalak

Hutsik dauden etxebizitzen gaineko azterketa laster abiatuko du Getxoko Udalak

Getxon hutsik dauden etxebizitzen diagnostikoa egiteko asmoz, Udal Gobernu Batzarrak aholkularitza-enpresa bat kontratatzeko espedientea hastea onetsi du; enpresa horri adjudikatuko diote azterketa hori. Ikerketa dator gobernu-taldeak (EAJ eta PSE-EE) eta EH Bilduk 2016an sinatu zuten aurrekontu-hitzarmenetik.

  Ekonomia  Uribe Kosta 2017-07-19 21:53

Indarrak batu dituzte eraikuntza-klusterrak eta tokiko euskal komunikabideek

Indarrak batu dituzte eraikuntza-klusterrak eta tokiko euskal komunikabideek

Eraikune EAEko eraikuntza-klusterra eta Tokikom akordio garrantzitsu batera heldu dira gaur goizean. Eragile biek euskarazko edukiak sortu eta ipiniko dituzte irakurleen eta erabiltzaileen eskura, eraikuntzaren gaineko komunikazioa hobetzeko. Lankidetza-hitzarmena sinatzeko ekitaldian parte hartu dute Alberto Marín Eraikuneko presidenteak eta Jone Guenetxeak, tokiko euskal komunikabideen presidenteak. HIRUKA Tokikomeko kidea da.

  Ekonomia  Leioa 2017-07-19 10:15

LABek begi onez ikusi du doktore berriak kontratatzeko EHUk egin duen deialdia

LABek begi onez ikusi du doktore berriak kontratatzeko EHUk egin duen deialdia

Euskal Herriko Unibertsitateko (EHU) LAB sindikatuak ondo baloratu du Unibertsitatearen Gobernu Kontseiluak pasa den eguenean onartu zuen kontratazio deialdia. Izan ere, batzar horretan “doktorego ondoko prestakuntza programetan sartu arte, doktore berriak kontratatzeko deialdia” onetsi zuten, sindikatuak atzo zabaldu zuenez. Deialdia eten egin zuten pasa den apirilean eta oraingoak zenbait muga izango ditu, LABen arabera.

  Ekonomia  Erandio 2017-07-18 21:13

Erandioko Udalari enplegu publikoa sor dezan eskatu dio LABek

Erandioko Udalari enplegu publikoa sor dezan eskatu dio LABek

LAB sindikatuak elkarretaratzea egin zuen pasa den eguenean Erandioko udaletxearen aurrean, "bestelako enplegu enplegu eta pertsonal politika eskatzeko". Sindikatuaren arabera, EAJk eta PSE-EEk osatutako Udal Gobernua "lanpostu finkoak suntsitzen eta lan prekarioa sustatzen" dabil. Egunetik egunera "egoerak okerrera" egiten salatu du LABek.

  Ekonomia  Barrika  Berango  Gorliz  Leioa  Lemoiz  Plentzia  Sopela  Urduliz  Uribe Kosta 2017-07-18 20:02

Aldundiak 162.000 euro erabiliko ditu eskualdeko 8 udalerritan gazte-enplegua sustatzeko

Aldundiak 162.000 euro erabiliko ditu eskualdeko 8 udalerritan gazte-enplegua sustatzeko

Bizkaiko Foru Aldundiko Gobernu Kontseiluak "Udal Gaztedi Uribe Kosta" hitzarmena onetsi du gaur goizean. Hitzarmen hori Barrika, Berango, Gorliz, Leioa, Lemoiz, Plentzia, Sopela eta Urdulizko udalakaz sinatu du Bizkaiko Foru Aldundiak. Gazteen artean enplegu, ekintzailetza, osasun eta ongizate arloko jarduerak sustatzeko, 162.676 euro bideratuko dituzte. Pasa den ekainean, Erandioko Udalagaz sinatu zuen akordioa Aldundiak.

  Ekonomia  Erandio 2017-06-30 18:19

Abaroak 16 milioi euroko zorra dauka Aldundiagaz

Abaroak 16 milioi euroko zorra dauka Aldundiagaz

Abaroa S.A. eraikuntza-enpresak 2007an inguruan egindako obra batzuek kaltetu zituzten Erandioko Altzaga auzoko zenbait etxe; horren eraginez, 66 sendik utzi behar zituzten euren etxeak. Gaur arrastian, jende-kate batek salatuko du orduko arazoa konpontzeko Tartangan 400 etxebizitza eraiki eta gune berdea desagertuko dela. Egun berean, Bizkaiko Foru Aldundiak argitaratu du milioi bat euro baino gehiagoko zordunen zerrenda: diru-kopuruan, laugarrena da Abaroa S.A, 16.032.201,08 euroko zorragaz.

  Ekonomia  Erandio 2017-06-22 17:51

Aldundiak 229.425 euro zuzenduko ditu Txorierrin eta Erandion, gazteen enplegua sustatzeko

Aldundiak 229.425 euro zuzenduko ditu Txorierrin eta Erandion, gazteen enplegua sustatzeko

Bizkaiko Foru Aldundiak joan den martitzenean egindako Gobernu Kontseiluan eskualde-mailako zenbait lankidetza-hitzarmen onetsi zituen, tartean Erandio eta Txorierrikoa. Hala, Txorierriko Zerbitzuen Mankomunitateak eta Erandio, Derio, Larrabetzu, Lezama, Loiu, Sondika eta Zamudio udalerriek 229.425 euro kudeatuko dituzte, gazteen artean prestakuntzari, enpleguari eta ekintzailetzari lotutako ekintzak bultzatuko dituzte 2019. urtera arte. Halandaze, 2016. urtean sinatutako konpromisoa berrituko da Gaztedi Bizkaia 2020 foru-programaren barruan.