Sopelako Udaleko Toki Garapen sailak indartu egin du Sopela Garatu diru-laguntza programa, aurrekontua ia hirukoiztuz eta 32 proiekturi bultzada ekonomikoa emanez. Oinarri berriei esker, eskaera kopurua bikoiztu egin dela nabarmendu dute udal-iturriek eta laguntzak sektore gehiagotara iritsi ahal izango izango, enpresa txikien eta autonomoen lehiakortasuna hobetzeko asmoz.

Komunitate energetikoa sortzeko prozesua abiatu berri dute Urdulizen. Argindarraren fakturan eragitea eta burujabetza energetiko eskuratzeaz harago doan proiektua dela azpimarratu dute ekimenaren atzean dauden herritarrek. Momentuz, prozesua nola egin denen artean erabakitzeko sei informazio-saio antolatu dituzte, herritar guztiei zabalik daudenak; hurrengoa apirilaren 16an izango da.