Getxoko berbalagunek 24. Korrikako lekukoa eramango dute aurten ere, "Euskara gara" lelopean, eta daborduko hasi dira martxoaren 26ko hitzordua prestatzen. Korrika eguen horretan, 10:53an sartuko da Algortara Berangotik, eta kilometroa Bizarra Lepoan eta HIRUKAko lagunakaz batera eramango dutela iragarri dute.

Plentziako Jai Alaia frontoia Uribe Kostako euskaltzaleen topagunea izan zen atzo, martxoak 5, Mintzodromoa eta Jolasdromoa egitasmoari esker. Eskualdeko hainbat eragilek antolatutako ekimena arrakastatsua izan zela adierazi dute antolatzaileek; izan ere, parte-hartzaileen kopuruak zein giro bikainak ez zuten hutsik egin.