Gaur goizean, 200 alkate eta udal-hautetsi baino gehiago eta euskalgintzako ordezkariak bildu dira EAEko Justizia Auzitegi Nagusiaren aurrean, Espainiako Auzitegi Gorenaren epaiaren aurrean euskararen eta autogobernuaren aldeko adierazpen bateratua egiteko. Sententzia “euskal gizartearen eta erakundeen borondate demokratikoaren aurkako eraso zuzena” dela salatu dute, eta hizkuntza-politiken aurkako oldarraldi judizialari batasunez erantzuteko deia egin dute.

Aurreko uztailaren 9an, ezezagunera bidaia egin zuten Getxoko Muxikebarri antzezlekura hurbildu ziren bertsozaleek. Unai Mendiburu, Maialen Lujanbio, Andoni Egaña, Onintza Enbeita, Oihana Bartra eta Unai Iturriaga bertsolaritzako izarrak bidelagun izan zituztela, hitzen eta errimen espazioan murgildu ziren.