EAEko Justizia Auzitegi Nagusiak azkenean arrazoia eman dio EHUri selektibitateko euskara azterketen aferan eta bertan behera utzi ditu udan hartu ziren kautelazko neurriak, zenbait ikasleri beren euskara azterketako nota ez zenbatzea ekarri  zutenak. Leioako campusera hurbildu gara jakiteko zer iritzi duten bertako ikasleek erabaki honen inguruan; hona hemen erantzunetako batzuk.

Urrian zehar hiru gogoeta saio egin dira herrian (urriaren 1ean, 15ean eta 29an), Bizkaiko Foru Aldundiak eta Taupa euskaltzaleen mugimenduak elkarlanean garatzen duten “Bizkaian bagara. Berbak zubi” programaren baitan. Antolatzaileek saio horiek tokiko euskaltzaleak aktibatu eta euskararen erabileraren inguruko hausnarketa sustatzea zutela helburu adierazi dute.