Euskalgintzaren Kontseiluak deituta, ekainaren 13an milaka euskaltzale biltzea aurreikusi dute Iruñean, Euskaltzaleon Martxa izeneko mobilizazioan. Antolatzaileen arabera, azken urteetako datu eta ikerketek euskararen etorkizunaren inguruko kezka eta larritasuna agerian utzi dute, eta horri erantzuteko "euskararen biziberritzearen aldeko bultzada" eman gura diote. Eskualdeko hainbat elkartek martxa horretara joateko autobusa antolatu dugu, zapatuan bertan, 10:00eta Gorlizetik abiatuta; izen-ematea lotura honetan egin daiteke.

Getxoko terrazetan, astean behin ordubetez, euskaraz lasai aritzeko aukera eskainiko dute Udako Berbalagunek. Izena emateko epea ekainaren 19ra arte egongo da zabalik, eta antolatzaileek jakinarazi dute ekaineko azken astean, 22ko astean, hasiko dituztela lehenengo saioak egiten.