Urriaren 24an Andra Mariko kiroldegiaren aurrean egindako elkarretaratzeak 50 eta 60 pertsona artean bildu zituela jakinarazi dute antolatzaileek. Mobilizazioak sare sozialetan izandako oihartzuna nabarmendu dute, eta Getxoko Udalari idi-probak udal-instalazioetan egiteari uzteko neurriak hartzea eskatu diote.

Subflubiala EZ! plataformak deituta, ehunka pertsonak parte hartu zuten zapatuan, urriaren 24an, Itzubaltzeta/Romon egindako manifestazioan. Proiektua bertan behera uzteko eta aurreikusitako 500 milioi eurotik gorako inbertsioa garraio publikoa hobetzeko erabiltzeko eskatu zuten. Horrez gain, Artatza parkea babesteko kanpaldia iragarri dute.