Plentziako Udalak egindako eskaerari erantzunez, Espainiako Gobernuko Trantsizio Ekologikorako Ministerioak ebazpena eman du Plentziako hainbat lur-eremuren egoera juridikoari buruz. Ministerioak ontzat jo du Jai-Alai frontoiaren zati txiki baten itsas-lehorreko jabari publikoko izaera kentzeko bidea abiatzea, baina atzera bota du Errotabarriko futbol-zelaia babes horretatik ateratzeko eskaera.

Azken egunotako bero sapak jendetza ekarri du Uribe Kostako hareatzetara. Ekainaren 1ean udako denboraldia hasi bitartean zaintzarik ez dagoenez,Peña Txuri Surf Eskolako Naroa Saratxagak azaldu digu arrisku egoerak handitu egin direla eta surflariek zaintza areagotu egin behar izan dutela egoera larri bat baino gehiago ekiditeko.