Abuztuaren 12an, eguzki-eklipse totala ikusteko aukera egongo da Euskal Herriko hainbat lekutatik. Fenomeno berezi horren inguruan hitz egin dugu Naiara Barrado EHUko astrofisikariagaz. Eklipseak nola gertatzen diren, non eta nola ikusi beharko diren, zer neurri hartu behar diren eta halako fenomenoek zientziari eta dibulgazioari zer ekarpen egiten dioten azaldu digu.

Ekologistak Martxanek salatu du Eusko Jaurlaritzak Lemoizko zentral nuklear zaharrean "makropiszifaktoria" bat eraikitzeko asmoa duela, Basordas kalaren eta inguruko ekosistemen berreskurapena lehenetsi beharrean. Talde ekologistaren arabera, proiektua ez da inguruko herritakaz, gizarte-mugimenduakaz edo ekologistakaz kontrastatu, eta orain arte eskuragarri dagoen informazio bakarra hedabideetan argitaratutakoa dela kritikatu du.