Astelehenetik aurrera Fadurako kanpoko eremua erabili ahal izango da, aldez aurreko hitzorduagaz
Koronabirusa Uribe Kostan

Getxo

Fadura kiroldegiko kanpoko guneak irekiko dira ekainaren 1etik aurrera, jarduera fisikoa egitea errazteko asmoz. Hala, atletismoko pista, belodromoa, erabilera anitzeko eremua (belar artifizialekoa) eta tenis eta padeleko pista estaligabeak erabiltzea aurreikusten da. Osasun-agintariek kirol-instalazioen erabilera mugatua baimenduta eta proposatzen dituzten adierazpenakaz bat eginez, praktika banaka egin ahal izango da, eta erabiltzaileen artean 2 metroko tartea errespetatu beharko da.

Leioa Waterpolok Espainiako maila gorenean jokatuko du datorren denboraldian

Leioa

Leioa WLB taldea mailaz igo da, Espainiako Waterpolo Federazioak erabaki baitu koronabirusaren ondorioz lehiaketa bertan behera geratu aurretik Lehen Mailako (izatez, estatuko bigarren maila) ligako sailkapeneko lehenengo biak izatea datorren denboraldian Ohorezko Mailan jardungo direnak. Izan ere, une hartan bigarrena zen Leioa WLB.