Kirolak  Erandio  Getxo  Uribe Kosta 2017-06-12 12:38

Bizkerre eta Betiko Neskak, Emakumezkoen Getxoko Nazioarteko Futbol Txapelketan

Bizkerre eta Betiko Neskak, Emakumezkoen Getxoko Nazioarteko Futbol Txapelketan

Datorren aste-akabuan, ekainaren 17an eta 18an, Emakumezkoen Getxoko Nazioarteko Futbol Txapelketa jokatuko da 11. aldiz, Bolue eta Fadurako zelaietan. Ohi legez, Roberto Tamayo zenaren omenez jokatuko da.

  Kirolak  Getxo 2017-06-09 14:11

Areetan jokatuko da Bizkaiko Akuatloi Txapelketa, domekan

Areetan jokatuko da Bizkaiko Akuatloi Txapelketa, domekan

Getxoko Akuatloia estreinatuko da domeka honetan, hilaren 11n; igeriketaldia eta oinezko lasterketa konbinatuko ditu probak. TKrono triatloi-taldeak antolatu du ekimen berri hori, Getxo Kirolak udal-erakundearen laguntzaz; Bizkaiko Txapelketa ere izango da.

  Kirolak  Getxo 2017-06-07 12:50

Eider Arana deitu du Euskadiko selekzioak Espainiako txapelketarako

Aste-akabu honetan jokatuko dira emakumezkoen lurralde-selekzioen arteko Espainiako futbol-txapelketaren azken faseak, 16 urtez azpiko mailan, Arabako Iruña Oka herrian. Mikel Bengoa Euskadiko selekzioaren hautatzaileak Eider Arana Mugueta Algortako Bizkerre taldeko erdilaria deitu du, 18 jokalariren artean.

  Kirolak  Getxo 2017-06-07 11:45

Kaleko Kultur Jaialdia antolatuko dute aste-akabuan, Algortan

Kaleko Kultur Jaialdia antolatuko dute aste-akabuan, Algortan

Datozen barikuan eta zapatuan, ekainaren 9an eta 10ean, denetariko kirolen jokaleku bilakatuko dira Algortako erdiguneko kaleak. Aurreko urteotan legez, erakustaldiak eta zenbait kirol-eskola izango dira bertan, Getxo Kirol udal-erakundeak antolatutako Kaleko Kultur Jaialdiaren seigarren edizioan. Besteak beste, boxeoa, boleibola eta patinajea izango dira aukeran.

  Kirolak  Getxo 2017-05-31 18:24

Virginia Díaz Europako hamar arraunlari onenen artean sailkatu da

Virginia Díaz Europako hamar arraunlari onenen artean sailkatu da

Virginia Díaz, Raspas arraun-elkarteko arraunlaria, bederatzigarren postuan sailkatu zen aulki mugikorreko Europako Txapelketan, pasa den aste-akabuan. Lehiaketa Txekiar Errepublikako Račice herrian burutu zen. Díazek Espainia ordezkatu zuen bertan, skiff-modalitatean. Hala, getxoztarrak duela aste batzuk Munduko Kopan eskuratu zuen bederatzigarren postuari eutsi dio.

  Kirolak  Getxo  Leioa 2017-05-31 15:00

Sortarazi elkartearen aldeko igerialdia egingo dute domekan, Algortan

Sortarazi elkartearen aldeko igerialdia egingo dute domekan, Algortan

Elkartasunezko itsas zeharkaldia egingo dute Algortako Kirol Portuan, domeka honetan, Sortarazi elkartearen alde. Barikuan da izena emateko epemuga.

  Kirolak  Getxo 2017-05-31 14:15

Fadura eta Gobela kiroldegiak ezagutzeko eguna antolatu dute, zapaturako

Fadura eta Gobela kiroldegiak ezagutzeko eguna antolatu dute, zapaturako

Zapatu honetan, ekainak 3, Getxo Kirolak udal-erakundeak kiroldegietako ateak zabalduko ditu 08:00etatik 21:30era; hala, Kirol Jaia ekimenean parte hartu gura duen edozein pertsonak ezagutu ahal ditu instalazioak, udal-kiroldegietako abonatua izan edo ez. Bizkaiko Foru Aldundiak bultzatu du Kirol Jaia egitasmoa.

  Kirolak  Getxo 2017-05-31 11:32

Eskandinaviako mendirik altuenera igotzera doa espedizio getxoztar bat

Eskandinaviako mendirik altuenera igotzera doa espedizio getxoztar bat

Getxoko Ibilki elkarteak Norvegiako mendi-espedizio berezi batean parte hartuko du bihartik aurrera. Izan ere, munduan lehenengo aldiz ahaleginduko dira ikusmen-dibertsitate funtzionala duten pertsonak goi-mendiko igoera bat egiten, gidariakaz. Espedizioa ekainaren 1etik 5era izango da, Norvegiako Galdhøpiggen mendiko tontorrera (2.469 metro), Eskandinaviako alpeen mendilerroan.

  Kirolak  Erandio 2017-05-30 14:16

Erandioko kirol-jaiaz domekara arte goza daiteke

Erandioko kirol-jaiaz domekara arte goza daiteke

Erandiok kirol-aste osoa antolatu du, domekara arte, udalerriko auzo denetan. Interesdunek zenbait kirol-modalitate probatu ahal izango dituzte, doan. Kirol-jaiagaz bat egiten, Erandioko Udalak kirolari eskainitako webgune berria aurkeztu du.

  Kirolak  Berango  Uribe Kosta 2017-05-30 13:20

Gorka Iraizoz: "Garrantzitsuena da beti bihotzez jokatzea"

Gorka Iraizoz: "Garrantzitsuena da  beti bihotzez jokatzea"

Gorka Iraizoz Moreno Athleticeko atezainak klub zuri-gorriari agur esan dio, hamar urtean horren koloreak eta atea defendatzen jardun ostean. Hala jakinarazi zuen Lezaman emandako prentsaurrekoan, lankideez, sendiaz eta lagunez inguratuta. Iraizozek bere etorkizunaren eta iraganen gainean berba egin du, bere adopzio-herrian, Berangon; Espanyolen kokatzen duten zurrumurruak zabaldu aurretik.

  Kirolak  Getxo 2017-05-26 13:35

Olatuz Olatu programari ekin dio Getxoko Udalak, daborduko

Olatuz Olatu programari ekin dio Getxoko Udalak, daborduko

Getxo Kirolak udal-erakundea hasi da beharrean uretako kirolakaz lotutako bertoko klubakaz, Europar Batasunak sustatutako Olatuz Olatu (WoW, ingelesez) programa garatzeko. Ekimen horretan, Getxogaz batera, EBko honako hiriak dabiltza modu koordinatuan lan egiten: Pesaro (Italia), Gdynia (Polonia), Stropkov (Eslovakia), Nancy (Frantzia) eta Dubrovnik (Kroazia). Sei udalerriek talde eragile bat eratu dute, Italiako Pesaro hirian pasa den martxoan egin zuten bileraren ondoren.

  Kirolak  Lemoiz 2017-05-26 13:27

Etzandarrikoak Lekanda mendira joango dira domekan

Etzandarrikoak Lekanda mendira joango dira domekan

Lemoizko Etzandarri euskal mendi-taldeak 2017ko hurrengo irteera hilaren 7an egitea aurreikusi bazuen ere, txangoa atzeratzea erabaki zuen, Gure Esku Dagoren herri-galdeketa zela eta. Hala, domeka honetan joango dira Gorbeiako mendilerroan dagoen Lekanda mendira (1.302 metro), hilaren 28an.

  Kirolak  Gorliz 2017-05-26 10:28

Martxa Nordikoaren Nazioarteko Eguna ospatuko dute zapatuan

Martxa Nordikoaren Nazioarteko Eguna ospatuko dute zapatuan

Gero eta jende gehiago ikus daiteke udalerrian martxa nordikoa praktikatzen, aurrera eta atzera, gora eta behera. Kirol-mota horren zaleak areagotu egin dira azken urteotan Gorlizen; hori dela eta, horiek denak batzeko Martxa Nordikoaren Nazioarteko Eguna egingo dute zapatuan, hilaren 27an. Hala, hainbat ekimen antolatuko dituzte egun horretan.

  Kirolak  Getxo 2017-05-25 19:19

Beristainek beste urte baterako kontratua sinatu du Realagaz

Beristainek beste urte baterako kontratua sinatu du Realagaz

Naiara Beristain eta Reala futbol-taldea akordio batera heldu dira 25 urteko erdilari itzubaltzetarraren kontratua urte batez luzatzeko. Hala, klubak gaur jakinarazi duenez, 2018ko ekainaren 30era arte dauka kontratua. Beristainen ustez, datorren denboraldia liluragarria dirudi, pauso bat emango dugu aurrera eta klubak gugandik espero duen maila emango dugu".

  Kirolak  Getxo  Uribe Kosta 2017-05-24 18:30

Basque Team-ek milioi erdi euro banatuko du beketan

Basque Team-ek milioi erdi euro banatuko du beketan

Basque Team fundazioak 536.000 euro emango die bekatan, aurten, goi-mailako 43 kirolariri eta 14 teknikariri. Onuradunak 20 emakumezko eta 37 gizonezko izango dira. Faduran egoitza duen fundazioak hamargarren urteurrena ospatuko du aurten. Rocío Ybarra hockey-jokalaria da taldekide berrietako bat. Beragaz batera izango dira María López de Eguilaz Jolasetako kidea, Jon Santacana eskiatzailea, Bárbara Pla errugbilaria eta Asier García saskibaloi-jokalaria.