Getxoko Kresaltsu haur-eskola berria irailaren 4an zabalduko dute, Haurreskola Partzuergoak 2026-2027 ikasturterako irekiko dituen zentro berrien artean. Itzubaltzeta/Romo auzoan kokatuko den haur-eskolak 0 eta 2 urte arteko umeentzako 34 plaza publiko eskainiko ditu, eta izena emateko epea ekainaren 29tik uztailaren 8ra egongo da zabalik, biak barne.

Getxoartek tokiko sortzaileen lana herritarrengana hurbiltzeko helburuagaz jarraitzen du, eta Getxoarte Eskoletan egitasmoaren baitan, Andra Mari eskolan mural bat egin dute ikasle eta irakasleakaz batera. Tailer horretan, herriko artistak ikasgeletan beraien lana nola egiten duten azaltzen dute; kasu honetan, Madalen Pinuaga, Pablo Astrain eta Pablo Zabala izan dira beraien lanaren berri eman duten margolariak.