Azaroaren 11n, Jauzi Ekosozialeko Uribe Kostako kideok etxebizitza eskubidearen aldeko greba orokorrera joango gara. Argi dugu zein den arazoaren muina, etxebizitza negozio bat delako dago krisian: merkatuaren legeek gobernatzen dute, eta ez beharretan eta nahikotasunean oinarritutako planifikazioak.

Uribe Kostako Etxebizitza Sindikatu Sozialistak greba-deia egin du azaroaren 11rako. Euren hitzetan, grebaren bidez etxebizitzaren negozioagaz amaitu eta langile-klasearen beharrak mahai gainean jarri gura dituzte. Horretarako, antolatzea ezinbestekoa dela azpimarratu dute.