Politika

Romo Kultur Etxeko atzealdeko lursaila Udalarena dela berretsi du Getxoko alkateak

Romo Kultur Etxearen atzealdeko lursaila Getxoko Udalaren jabegoa "izan dela eta izaten jarraitzen duela" dio Imanol Landa alkateak. Udal-iturriek azaldu dutenez, egoera horren berri eman zaie aipatutako eremuaren alboko jabekideen erkidegoetako ordezkariei, aldez aurretik egindako hainbat batzarretan. Horietan, alkateak gogora ekarri duenez, "txosten bat eman zaie Udalaren jabegoa egiaztatzen duen frogak jasotzen dituena". Hala erantzun gura izan die Gobernu-taldeak zenbait auzokidek egindako salaketari, Udalari jabego pribatu bat "okupatzea" leporatzeagatik.

Jabetza pribatuko lorategi bat "okupatu" gura izatea egotzi dio Getxoko Auzokideok plataformak Udalari

Romo Kultur Etxearen ondoko etxe bateko bizilagunek euren jabegokoa den lorategia "okupatzea" galarazi diete Bycam enpresako langileei. Getxoko Auzokideok plataformak jakinarazi duenez, etxe horren jabegokoa den lur-eremu horretako zuhaitzak moztu eta lorategia okupatzeko agindua eman zien Udalak beharginei. Hala ere, auzokideek lursail horren jabetzako eskritura erakutsi diete langileei: "lorategia komunitatearena da etxea eraiki zenetik". 

Gizon bat atxilotu dute Getxon, genero-indarkeriazko delitu bat egotzita

Getxoko Udalak gaur jakinarazi duenez, bertoko udaltzainek gizonezko bat atxilotu zuten abuztuaren 5ean, "genero-indarkeriazko delitu bat egin izana egotzita, bere bikotekidea jotzeagatik". Zapatu goizaldeko 03:40ak inguruan, Udaltzaingoak dei bat jaso zuen azalduz emakumezko bat bere etxebizitzaren atariko eskaileratan zegoela, umea besoetan; ustez bikotekideagaz eztabaida gogorra izan ostean. Gizonezkoak bultzatu eta iraindu egin zuela, etxetik bota zuela eta atea itxi ziola jakinarazi zien 30 urteko emakumeak udaltzainei.

Plentziak ere Frankismoaren aurkako kereila ipiniko du Argentinan

Plentziako Udalbatzak lau neurri onartu ditu "udalerrian diktadura frankistak eragindako gizateriaren aurkako krimen denak iker" daitezen. Besteak beste, Plentziako Udalak kereila kriminalak aurkeztuko ditu eskualdeko epaitegietan eta Argentinan, Maria Servini epaileak daroan 4.591/10 auziaren barnean.

Euskal presoen eta iheslarien aldeko Itsas Martxa egingo dute Plentzian zapatuan

Bihar, zapatuan, Itsas Martxaren laugarren edizioa egingo du Uribe Kostako Etxeratek, Plentziako Badian. Ekimena goizeko 12:30ean hasiko da, Plentziako metro-geltokian, espetxean zendutako Kepa del Hoyo galdakaoztarrari omenaldi bat eginez. Ondoren, manifestazioan abiatuko dira itsasadarrera, bertan ontziak hartu eta badiaraino joateko. Antolakuntzak gogorarazi duenez, Itsas Martxak bat egiten du "urtero legez, euskal preso, iheslari eta deportatu politikoen eskubideen aldeko hondartzetako mobilizazioakaz".

Epaileak Tosu abuztuan utzarazteko agindua eman duela iragarri dute

Tosu Betirako plataformako kideek gaur bertan jakinarazi dutenez, joan den astelehenean Eusko Jaurlaritzako eta Bizkaiko Garraio Partzuergoak abuztuan Tosu landara sartzeko agindua lortu dute, "epailea presionatzen ibili eta gero". Erresistentzia-mugimendukoek salatutakoaren arabera, EAJk hilabete hori aukeratu du "justiziarik gabeko hilabetea" delako, jendea oporretan eta jaietan murgilduta dagoenean "herriaren aurkako lege eta neurriak ezartzeko garairik onena" delako. Hala ere, Tosukoek ziurtatu dute utzarazteari aurre egingo diotela, "ilusioz, indarrez eta elkar-laguntzaz". Horretarako, datorren hilaren 9tik aurrera, eguenean, Erresistentzia Oporrak ekimena egingo dute Tosu landan bertan.

Adierazpen instituzionalaren kontra bozkatu arren, pintaketakaz ez du bat egiten Sopelako EH Bilduk

Sopelako PSE-EEren egoitzan egindako pintaketak "Kepa del Hoyo preso galdakoztarraren heriotza arbuiatzeko" egin bazituzten ere, EH Bilduren arduradun sopeloztarren ustez, "bada garaia iraganeko egoera bortitza guztiz gainditzeko eta Espainiako Gobernuak daroan kartzela-politika errotik aldatzeko". Ezkerzaleen berbetan, "helburu hori lortzeko, elkarlana eta gizartearen babesik handiena ezinbestekoak dira". Hori dela eta, pintaketakaz "bat egiten ez" duela adierazi du Sopelako EH Bilduk, "gizartearen elkarlan hori oztopatzen dutelako".

Mobilizazioak izango dira gaur eta bihar, Del Hoyoren heriotzagatik

Kepa del Hoyo preso galdakoztarra hil zen atzo Badajozko espetxean, bihotzekoak jota. Sortuk, LABek eta Ernaik mobilizazioetara deitu dute gaurko, "herri denetan", presoaren heriotza eta "espetxe politika hiltzailea" salatzeko.

Frankismoaren krimenen kontrako auzian akusazio gisa aurkeztuko da Getxoko Udala

Lapurreta bat salatu du Uribe Kostako Sarek

Uribe Kostako Sarek salatu du pasa den martitzenean, hilaren 25ean, zenbait material lapurtu ziotela euskal preso, iheslari eta deportatuen giza eskubideen aldeko herritarren sareari. Ebasketa Berangon izan zen, bertako Santa Ana jaien ostean. Sareak adierazi duenez, "sarekide baten kotxean sartu" eta materiala lapurtu zuten.

Alokairuzko 136 BOE sustatuko ditu Getxoko Udalak Iturribarrin

Getxoko Udalak 1.311.000 euroko kreditu gehigarria onetsi du Algortako Iturribarri aldean babes ofizialeko 136 etxebizitza (BOE) alokairuan sustatzeko. Horretarako, Visesa sozietate publikoagaz hitzarmena sinatu dute. Kreditu horrez gainera, ekaineko osoko bilkuran 2 milioi euroko beste kreditu gehigarri bat onetsi zen, Venancion beste 54 BOE eraikitzeko.