Itzubaltzeta/Romoko Ibar Nagusien Etxea eta gaztetxea okupatu duten herritarrak protestaldia egin dute gaur, eguenean, Getxoko Udalaren osoko bilkuran. Izan ere, bileraren bigarren puntuan auzo horretan belaunaldien arteko kohesiorako ekipamendu publiko mistoa sustatzeko Udalaren eta Bizkaiko Foru Aldundiaren arteko lankidetza-hitzarmena onesteko puntua aurkeztu dute, eta une horretan udaletxera gerturatutako dozenaka lagun txistuka hasi dira, eztabaida hainbat minutuz oztopatuz. Hala ere, proposamena onartu egin da, EAJ eta PSE-EEren aldeko botoakaz; Elkarrekin Podemosek eta EH Bilduk kontra egin dute eta PP abstenitu egin da.

Gaur emandako prentsaurrekoan, Aitziber Oliban Erandioko alkateak eta Jorge González PSE-EEko zinegotziak legealdi honetarako Agintaldi Planaren berri eman dute. Dokumentuak 60 ekintza baino gehiago aurreikusten ditu; alderdi politiko denek eta herritarrek "haren segimendua eta fiskalizazioa" egiteko aukera izango dutela esan dute Gobernu-taldeko ordezkariek.