Urriaren 12an ohiko eskolarik ez, baina ikasgelak eztabaidarako eta antolakuntzarako espazio bihurtzea proposatu du Ikamak. Ikasle antolakundeak herri eskolak Euskal Herriko hainbat eskualdetan egingo ditu, "Faxismoaren eta espainolismoaren aurrean, ikasleok desobedientzia!", lemapean.

Irurak Bat jauregiaren auzia artxibatu izanak ez du eztabaida politikoa baretu Getxon. Fiskaltzak, EH Bilduk eta PPk epailearen erabakia errekurritu dute, ikerketagaz jarraitzea eskatuta. EH Bilduk, gainera, udal-gobernuari azalpenak eskatu dizkio La Aldea eraikinaren inguruko epaia ez errekurritzeko erabakiagatik, ebazpen hori Irurak Bat auzia artxibatzeko kontuan hartu baitzuen instrukzio-epaileak.