Bizkai Buru Batzarrak (BBB) salatu du Uribe Kostako hainbat batzoki bandalizatu dituztela bart, eta gertatutakoa gaitzetsi du. Hain zuzen ere, Gorliz, Lemoiz, Plentzia eta Sopelako EAJren egoitzetan pintaketak agertu dira gaur goizean, presoen aldeko eta maiatzaren 30erako deitutako manifestazioaren aldeko mezuakaz.

Lau urteko itxaronaldi luzearen ostean, ekainaren 8tik 26ra bitartean egingo da Espainiako Entzutegi Nazionalean Ibai Aginagalderen ongi-etorriagatik epaiketa. Berangoko eta eskualdeko 16 herritarren aurkako epaiketaren azken helburua "antolatzeko, biltzeko eta manifestatzeko oinarrizko eskubideen kontrako eraso zuzena" dela salatu dute, eta hori gizarteratzeko eta prozesuaren gastuei aurre egiteko,, manifestazioa egingo dute maiatzaren 30ean Algortako Telletxe plazatik abiatuta, 18:00etan.