Urriaren 26an, Egonaldi Turistikoen gaineko Zerga arautuko duen ordenantza-proposamena aurkeztuko dute batzordean. Proposamenak gutxieneko kuotak ezartzen ditu hoteletarako, kategoriaren arabera, eta gehienekoak apartamentu turistikoetarako, erabilera turistikoko etxebizitzetarako eta gurutzaontzietarako.

Urriaren 20an, martitzenean, Uribe Kostako Etxebizitza Sindikatuak batzar irekia antolatuko du Romoko Kultur Etxean, arrastiko 18:00etan. Helburua azaroaren 11n egingo den greba orokorraren inguruan hitz egitea da. Horrez gain, Uribe Kostan "mahai gainean" dauden gatazkez, etxebizitzaren arazoaz eta horri aurre egiteko moduez ere eztabaidatuko dute.